අපි නොදන්න programming 3 - (VIDEO !)

කලින් ලිපියට ප්‍රතිචාර දක්වපු සියලුම දෙනාට බොහොම ස්තූතියි. මේ වතාවේ අත්හදා බැලීමටත් එක්කම විඩියෝ tutorial එකක් කරන්න හිතුවා. අපි විඩියෝ ටිකක් හදලා දාන්න ගොඩක් කල් ඉදන් කතා වෙවී හිටියත්  මේ පාර තමයි හදාගන්න පුළුවන් වුනේ. පුළුවන් තරම් ඉක්මණට විඩියෝ එක හදමු කියලා උනන්දු කරපු ඒ වගේම උදවු කරපු ඇපල්ටත් ස්තූතියි.

මේ විඩියෝ එකේදි අපි මුලින්ම කතා කරන්නේ ජාවා වැඩසටහන් සෑදීමට අවශ්‍ය මෘදුකාංග ලබාගන්නා ආකාරය ගැන. අවශ්‍ය මෘදුකාංග තමයි

1.      Java Development Kit (JDK) - ජාවා වැඩසටහන් සෑදීමට අත්‍යවශ්‍ය මෘදුකාංග සියල්ලම මෙහි ඇතුලත්. ORacal සමාගමේ වෙබ් අඩවියෙන් මෙහි අලුත්ම සංස්කරණය භාගත කරගන්න පුළුවන්. (ඔයාලාගෙ පරිගණකයේ මෙහෙයුම් පද්ධතියට ගැලපෙන ජාවා සංස්කරණය තෝරාගැනීමට සැලකිලිමත් වෙන්න)

2.      Eclipse IDE - පරිගණක වැඩසටහන් සෑදීම පහසු කිරීමට භාවිතා කරන මෘදුකාංග වර්ගයක් තමයි Instigated Development Environment (IDE) ලෙස හඳුන්වන්නේ. මේ පාඩම් මාලාව සඳහා මම තෝරාගත්තේ Eclipse IDE එක. (මේ වෙනුවට Netbeans හෝ වෙනත් ඔබ කැමති IDE එකක් වුනත් යොදාගන්න පුළුවන්)

Eclipse IDE එක භාවිතා කර JAVA project එකක් සෑදීම ආරම්භ කරන හැටිත්, සරල ජාවා වැඩසටහනක් ලියා, එය ධාවනය කර එහි ප්‍රතිථලය ලබා ගන්නා හැටිත් විඩියෝ එකේදී විස්තර කරනවා. විඩියෝ එකේදී සාදන ජාවා වැඩසටහනේ source code එක මෙතනින් ගන්න පුළුවන්.

මේක අපේ මුල්ම විඩියෝ එක නිසා අඩුපාඩු එහෙම තියෙන්න පුළුවන්. Recording කරපු දවසෙ මම ටිකක් අසනීප වෙලා හිටිය නිසා මගේ කටහඬත් මටම අඳුරගන්න බෑ වගේ. ඉතින් මේ විඩියෝ එක ගැනත් ඔයාලගෙ අදහස් වෙනදා වගේම ලියලා යන්න. අපිට මේ දේ දිගටම කරගෙන යන්න ඔයාලගෙ අදහස් උදහස් ගොඩක් වටිනවා.

එහෙම නම් තවත් විඩියෝ එකක් සමඟ නැවත හමුවෙමු.

෴ අංජන කසුන්