ඔන්න අපි විභාග ලියන හැටි

ඉතින් යාලුවනේ සෑහෙන කාලෙකට පස්සේ මට ආයිත් බ්ලොග් එක ලියාගන්න පොඩි වෙලාවක් හම්බ උනා. මේ පැත්තේ ඇවිත් බලනකොට තමයි දැක්කේ මම මේ අවුරුද්දට එකම ලිපියක් වත් ලියල නැති බව. විභාග කටයුතු එහෙම තිබෙන හින්දයි ලියන්න පරක්කු වෙන්නේ. 

විභාග කිව්වමයි මතක් උනේ මට. ඊයේ පෙරේදත් විභාගයක් ලිව්වා. එක ලියල ඉවර උනාට පස්සේ තමයි මට මේ වගේ දෙයක් ඔලුවට ආවේ. උසස් පෙළ කරන්න එනකම් ඕවට මම නම් එච්චර කවදාවත් මහන්සි උනේ නෑ. පන්ති කට් කරලා පිස්සු නටල ඔක්කොමත් කරලා අන්තිමට ශිෂ්‍යත්වෙත් සාමාන්‍ය පෙළත් ඔක්කොම බොහොම ලේසියට ගොඩ ගියා. ඔය විදියටම උසස් පෙළත් කරන්න ගිය හින්ද තමයි පලවෙනි පාර ලස්සනට ඇනගත්තේ. 

ඊට පස්සේ හිතුව මම කොහොමහරි ඊළඟ පාර නම් අනිවා පාඩම් කරලා ගොඩ යනවා කියල. එත් ටික දවසක් යනකොට අර තිබුන දෛර්යය ශක්තිය ගැම්ම  කොහේ ගියාද දන්නේ නෑ. ඔක්කොම දිය වෙලා ගිහින් අන්තිමට බලනකොට. අනේ මන්ද අපිත් මහා පුදුම ජාතියක් . එක පාරක් වලේ වැටුනම ඉගෙන ගන්නේ නැති හැටි.

මට මේ ඔක්කොම මතක් උනේ ඊයේ පෙරේදත් එකක් ලියපු හින්ද.  අවුරුද්ද පටන් ගන්නකොට හිතුව අනිවා දැන් ඉඳන් පාඩම් කරලා මේක දලමට ගොඩ යනවා කියල. එත් අන්තිමට පාඩම් කරන්න පටන් ගත්තේ විභාගෙට දවස් පහක් තියල. අනේ මන්ද ඉතින් ඕවට හා කියන්නත් බෑ හ්ම්ම් කියන්නත් බෑ.

මේක බලන විභාග වලට මුහුණ දෙන අය ඉන්නවනම් මේකයි මට කියන්න තියෙන්නේ. මුල ඉඳන්ම වැඩ කලොත් එකම විබාගයක් වත් අමාරු නෑ. පහුගිය විභාගෙ විෂයන් දෙකක් මුල ඉඳලම හරියට කරගෙන ඇවිල්ල තිබුන හින්ද ප්‍රශ්න පත්තරේ හම්බ උන ගමන් පට පට ගාල ලියල දැම්ම. පාඩම් කරපල්ලා විභාග පාස් වෙන්න ඕන නම්.........